L' ALMANACCO DI SAVONA
.png)
A-a cömpagnia chi n'abbe n'abbe ö ve salûa Claödin Dö Giabbe.
Ciao Gente, ghe semmö... Piggiaeve ö armanaccö de Sann-a pè ö 2023!
Cömme tûtti gli anni, a Natâle, ve rinnêuvo ö sêu salûo, quello che ö Claödin, che ö 'n'ha lasciou seze anni fa, ö ne dâva a domenega mattin, a-a radio, quandö a iniziâva a trasmisciön de l'antologia.
St'annö che ö stà pe' finì ne ha portou via o Ghigi, che l'è andaetö a tegnì cömpagnia a-o Claodin e a Beppinn-a. Ho vosciûo quindi dedicâ anche a lè 'st'ediziön dö armanacco, pubblicandö de sêu poexie in dialettö Vaaxin.
E
sci, piggiaeve l'armanaccö, e se voei dime quarcosa me pöei scrive
a claodin@tiscali.it.
Amixi, ancön 'na cosa: anche 'st'annö quarche d'ûn de vöiatri ö m'ha ciammou se ö se pöreiva avei na cöbbia dö Armanaccö de Sann-a stampou, pröntö da appende in te-a cöxinn-a. Ben, se sei interessae, mi cömme tûtti i anni sön andaêtö a famme stampâ quarche cöbbia pe' fâ ö regallö de Natâle a mâe sêu, a mae neza Françesca e a quarche amigö, e vaggö da ö Giachero, in via Montesisto al n. 9, da vexin a dönde 'na votta gh-ea a Ritta da fainâ (e ascì ancön oua gh'è ûn föndegö dönde pöei andà a gustâ "dui tocchi de seixio, dui tocchi de gran").
Anche st'annö sön andaetö lì, e gh'ho lasciou tûttö ö materiale pe poeilo stampâ.
Se vöei, pöei andâ da lè, ghe ciamae se ö ve stampa 'na cöbbia de-ö Armanaccö de Sann-a e ve pöei anche mettì d'accördö in sce-ö papè da deuviâ, in moddö da risparmiâ quarche cittö.
Ben
amixi, ve salûo e ve mandö i mae augûri pe' ûn
bön 2023!
Piggiaeve ö armanaccö de Sann-a pè ö
2023 a
l'indirizzö http://fsweb.interfree.it/armanacco.htm
.png)
.png)
Francesco Scaglia
Commenti
Posta un commento